حوار هادف بين البنات والشباب ((هام جدا للمشاركة))

[احساس]

السلام عليكم ورحمة الله وبركاته

(( الحوار المثالي بين الشبــاب و البنــات ))

.
.الموضوع عبارة عن حوار مثير بين فريقين

فريق [ الشباب ]

فريق [ البنات ]



هناك أمور يكرهها الرجل في المرأه أو لا يستطيع فهمها

(( و ))


هناك أمور تكرهها المرأة في الرجل أو لا تستطيع فهمها


وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.


[ بداية الحوار ]

سيقوم الشاب بطرح تساؤل عن أمر معين لا يعجبه في البنات


وستقوم البنت بالرد وتبرير الموقف


وبعد إعطاء الإجابة والمبررات الكافية يصبح المجيب في وضع الهجوم
ويطرح سؤال على الجنس الاخر.....وهكذا يستمر الحوار


[ملاحظة]

يحق للجميع المشاركه وابداء الرأي


وأرجوا أن نكون مع الحق دائماً بعيداً عن الإنتماء و التحيز


(( صافرة البداية ))
" سؤال من بنت "موجه إلى شاب


يعيب الرجل على الفتاة اعتمادها على الخادمة
بينما نجد ثلاثة أرباع النساء لدينا مع سائقين أجنبيين ..
بالرغم من ان هؤولاء الشباب يقودون سيارات ^_^
فلماذا لا يلتزمون هم بهذه المسؤولية بدلا من السائق
الاجنبي ؟؟؟<<<سؤال محيرني:151:


دمتم بود

احساس

[روووعه الاحساس]

حبيبتي احساس

يعطيك الف الف عافيه على الموضوع اللي بصراحه اكثر من رائــــــع

احب النوعيه هاذي من المواضيع

ومن جد يستحق التثبيت

وننتظر رد الشباب

تقبلي تحيااااااااااااتي

واكيد لي رجعه بعد جواب الشباب

[شبيه الريح]

كنت اتمنى اني القى احد يسال مثل هالسؤال حتى اطلع حرتي ... << منقهر من هالشي

الحريم طلباتهم واااااااااجد وكل يوم والثاني طالعين بمشوار ...
على عيني وعلى راسي .. نودي ماعندنا مشكله .. بس فيه مشوار ضروري ومشوار عبيط مدري وش يبي ؟؟
انا كشاب عندي مسؤليات والتزامات مع اشخاص اخرين ... وهذا حال الناس كلهم
وانا ماني متفرغ رايح جاي كني سواق مطعم ..
انا ما انفي ان الاهل اولى ... لكن ارحمونا عاااد
طبعا انا سواق اهلي .. واذا ركبوا معي وحسيت ان الوضع مطول اقلبها رالي حتى يقولون ودنا البيت مانبي شي << ههههههههههههههه اجراااااااااااام

اذا احد عنده تعقيب او وده يحاججني بالموضوع هذا ماعندي مشكله .. انا اصلا ادور على هيك مواضيع


وثاني شي ودي اسال البنات

ليه البنات دايم يحبون التقطيع بخلق الله ؟؟ شوفي فلانه وش لابسه ... حتى وصلت للشرابات اعزكم الله

انا قاهرني الموضوع هذا ...
هل من مدافع ؟؟؟

[مشعل سعود]

طبعا أنا مع أخوي الشبية بأن البنات طلباتهم كثيرة
ودنا لسوق ودنا للمشغل نبغى نروح للحديقة ملينا من البيت....الخ
حتى السيارة راح تخرب لكن أنا مأعطيهم وجه ومريح راسي

[عبدالله الشمري]

انا ماني معكم يقول المثل (( خالف تعرف ))

<<< خاف من الشباب يبي يغير رايه

والله من ناحية طلبتا البنات كثيره فهي كثيره

[P!Nky G!Rl]

هههههههههههههههههههههههههههه
هههههههههههههههههههههههههههه

شبيهـ الريحـ و مشعلـ سعود

أحسكمـ متحاملينـ منـ قلبـ ههههههههههه
ههههههههههههههههههههههههههههه


نجي للسؤال الأول: وهو طلبات الحريم الكثيره على قولتكم
أولاً.. مو كل الحريم عندهم هالمشاوير اللي تتكلمون عنها لكن الأغلب مثل ما قلتوا
مثل ما للرجال ألتزامات وإرتباطات هي بعد لها إرتباطاتها وإلتزاماتها,, يمكن أنت كرجل تشوف أولوياتها أو أمرها الضروري والمهم عندها بسيط أو تافه هي تشوفك بنفس المنظور..

مثال صغنون: لو ابي أروح لأي مكان ودي بغرض أخوي يشوفه ماهو مهم لكنه بالعكس بالنسبه لي بحجه إنها مرتبط لو قلنا مع أحد أخوياه أنا بشوف إنه أمر ماهو مهم.. المشكله هنااااا ماهي بكثره الروحات والجيات..

وحنا كمجتمع عربي أو خليجي بصوره خاصه ودنا أن الحرمه مكانها بيتها وبس,, وهذا موضوع ثاني :)



سؤال شبيهـ ((سؤالك جوهري)) ههههههههههههههههههه
الكلام على فلان وفلانه عند الكل ماهو عند البنات بس لكن نسبته الكبيره عند البنات,, الفاضي واللي ماعنده شغل + المنتقد (اللي يحب ينتقد العالم) عندها هالخصله مع إني ما أحبها لكن هذا ما يمنع في بعض الأوقات إني أعلق وأتكلم لكن الحمد لله قليل هههههههههههههه
بس هذي طبيعه وفطره,, حتى للرجال طبايع يمكن هو ما يلاحظها..
لكن لو تفكر فيها تلاقيها ميزه ههههههههههههههههههههههههه




كلـ الشكر لكاتبهـ الموضوعـ,, وبصراحهـ كانتـ فيـ باليـ هالفكرهـ وسبقتينيـ
يعطيكـ ربيـ العافيهـ على هذا الطرحـ الرائعـ..

وما راحـ اسألـ نبيـ نشوفـ باقيـ التعليقاتـ

[احساس]

هلا بالجميع

بالنسبه لسؤال شبيه بصراحه ((بنكي قيرل)) ماقصرتي

لكن بضيف شي واحد فيه اشخاص او بنات((الله يهداهم)) هم اللي يجبرونك تتكلم فيهم
وربي انا من ناحيتي لاشفت شي رفع ضغطي بوحده ما اسكت هو موب تطنز لكن انتقاد <<منتقده درجه اولى

اتمنى اني وضحت


سؤالي .. للشباب ..
رتب الاشياء هذي حسب اهميتها عندك ..
الزوجة \ الشغل \ الأصدقاء

[طـنـش تـعـش]

الف الف شكر لك اختي

احساس

على الموضوع الجميل

*******

بالنسبه للترتيب فهو كالآتي :

الزوجه : يعني لو اني متزوج وش بقول ام العيال هههههههه

الاصدقاء : اهم من الشغل اكيد بس مو من ام العيال << لزقت الكلمه

الشغل : الحمد لله كلنا بنعم وخير بس زي ما ان الشغل مهم بس الاصدقاء اهم
الصديق وقت الظيق موووو الشغل وقت الضيق
هههههههه


سؤالي للبنوتات :

لو طلع قرار السواقه لكم عادي
وش تكون ردت فعلكم (( بصدق ))
وما راح تخافون من انه واحد يجي
وانتم تسوقون ويسقط عليكم والا يحدكم
والا على الاقل بيغازلكم >> ردت فعلكم <<
^
^
يبي يقهرهم

خخخخخخ


تقبلو خالص تحياتي

[سموالاحساس]

احساس يالغلا مشكوره حبيبتي على الموضوع الحلو

اولاً احب احيي اخوي كاتم المشاعر

بالنسبه لسؤالك بصراحه السواقه امنيتي واحس فيها استقلال لشخصية

المرأه اما سالفة الخوف الله يسلمك فهو اكيد بموت من الخوف

اما اذا احد حاول يحتك فيني بصيح على طول ..بس ليش الشباب يحتكون بالبنات

ومايخلون المسأله عاديه مثل باقي دول الخليج ؟؟

8
8
8
هذا سؤالي لكم يالشباب


تحياتي لكم

سمو الاحساس

[THE LEGEND]

الف شكر على الموضوع الرائع ...

وانا تراني متحمس ... وحاط الثوب في فمي وجايكم مشوت .....

خخخخخخخخخخخخخخخخخخخخخخ

بالنسبه لسواقة الحريم ... لو نفرض بان الحريم مسموح لهم السواقه ..

اول شي ... من الناحيه الاجتماعيه .. راح تكون الحرمه مشغوله عن بيتها

يعني بدون سواقه بعض الحريم ماتلحق عليها من بيت لبيت ماشاء الله ...

كيف عااد لو انها تسوق .... ثانيا .. عندك الزحمه الحين الواحد مايطيق نفسه في الصباح من الزحمه ... كيف لو يجونك الحريم يسوقون ..

ثالثا ... لو تجي حرمه وتخالف مخالفه تستحق عليها حجز ...

وين بيحجزونها ....؟؟؟؟ يعني لازم يكون في قسم خاص للنساء ...

ورابعا .. نسبة الحوادث الحين بتزيد .... عن اول ....

وبتزيد المآسي .... الله يكفينا الشر ...

فالفكره ماهي حلوه من الاساس ...

وبانتظار تعليقكم ...

وارجو من البنوتات انهم ما ياخذون عني فكره باني ضدهم ...

بس انا اتحدث بواقعيه ... واللي عنده راي او تعليق ...

اتقبله بكل صدر رحب ...

وبانتظار تعليقكم ....

اخوكم الاسطوره ..

[P!Nky G!Rl]

بالنسبهـ لسؤالـ

قيادهـ المرأهـ

بالنسبهـ ليـ الموضوعـ عااااديـ,, ما تفرقـ

لكنـ عنديـ ملاحظهـ:

حريمنا اللهـ يهيدهمـ خلهمـ يدفوونـ عربياتـ السوبر ماركتـ زيـ الناسـ
علشانـ يسوقونـ بالشوارعـ..

وبعدينـ محنا ناقصينـ زحمهـ وأزعاجاتـ << منـ الشبابـ خخخخ

[احساس]

بصراحه قياده المرأه من باب الوناسه فكره حلوه يعني الوحده تأخذ حريتها وحلو الوحده يكون عندها سياره وتمر على خوياتها بيوم حلو ويستانسون <<الموضوع كافكره خياليه طبعاً <<احلام الفتيات

لكن لو جينا للجد السواق الله يخليه لنا نركب السياره وماعلينا من الباقي نريح بالنا ولا نتعب ارواحنا

سؤالي للشباب

عنــدما تريد البكاء أو تشعر بأن في قلبك قصص ألم تريد أن تتخلص منها .

لمن تلجأ؟؟لامك ؟؟اختك؟؟حبيبتك؟؟

والا تكتمها في نفسك فأنت رمز للقوه؟؟

احساس

[THE LEGEND]

تبين الصرااااااااحه والا ابن عمه ..

اذا تبين الصرااااااحه .... الواحد بيشكي همومه والامه لاقرب شخص لقلبه ..

وموضوع اني اكتم الموضوع بقلبي ... فهذا الشي ... طبيا على حد علمي انه

ضار حتى بالصحه ... وضار بالنفس ... ونفسية الواحد سرعان ماتتغير للاسوأ....

لكن بالنسبه لي انا شخصيا ..... اكتم .. ولا افصح بالامور ...

مومسألة اني قوي او من هالكلام ... لا ... المسأله مسألة اني كا احب اكدر خاطر احد علشاني ... او اخرب مزاااجه او حتى اخليه مهموم علشاني ..

لكن هذا الشي صار خلاص عاده ... والواحد اذا تعود على شي صعب يترك عادته ...


طيب السؤال يتغير اتجاهه اليك اختي احساس .....؟؟

[احساس]

مشكور اخوي ((الاسطوره))لحضورك

واشكرك على ردك وتفاعلك اللي بجد اقدره واحترمه

بالنسبه للسؤال

اذا ودي ابكي فانا ابكي على وسادتي ولوحدي يمكن بعض الاحيان تخنقني العبره
امام احد وهالشي يتعبني مره لكن مستحيل تكون امام احد

اما بالنسبه للشكوى على حسب الحاله اللي امر فيها مرات امي مرات اختي واكثر شي لاقرب انسانه لقلبي وهي ((عمتي)) صحيح بعض الاحيان اقول ما ابي اكدر خاطر اللي حولي لكن اذا حسيت اني مختنقه ولا اقدر اكتم اكثر اروح لاقرب الاشخاص واحكيله وبالعكس القاهم يوسعون صدري اكثر واكثر ويحسسوني بالراحه

اتمنى اني وضحت ولا طولت

سؤالى للشباب يمكن هو يناسب الشباب والبنات لكن هالمره بوجهه للشباب

ليش عقول الشباب ماتتفق مع قلوبهم ؟؟

[احساس]

ويييييييييييييييييييييييييييييين الشباب؟؟؟

[شبيه الريح]

السلامـ عليكمـ


ردا على سؤال الاخت احساس ...

انت بكلامك هذا تعممين فكره معينه على جميع فئات الشباب اجمع ...

كلن يعرف ان الشباب فيهم الصالح وفيهم الطالح ... ومو كل شي ينطبق عليهم
انا اللي فهمته من كلامك انك تقصدين ناحية العواطف والاحاسيس ..

بصراحه انا الاحظ هذا الشئ في المجتمع .. من ناحية بيع المشاعر من قبل فئه معينه من الشباب
هي المشكله اساسها شيئين
اولا الشاب ناقص العقل ... اللي مسوي حبيب مع عشرين الف وحده
ثانيا البنت اللي تصدق اي كلمه تقال لها

اسمحوا لي على الكلام هذا
لكن السبب يعود للعاملين الاثنين السابقين
يعني هذا بناء على اللي فهمته منك سابقا


واما باقي الشباب الحمد لله ... انا اعرف شباب ومن اخوياي .. احمد ربي انه رزقني اياهم .. ناس مثقفه ومتعلمه وواعيه
وبعد فيه شباب بياعين كلام ومشاعر ... وبصراحه ومع احترامي للجميع ... الانسان يعرف ان الشخص هذا صادق ولاكذاب
حتى كان هنا عضو بالمنتدى .. كان كلامه عسل وحلو ولكن ماخفى كان اعظم ... لين طلع على نواياه الحقيقيه والحمد لله انه شرفنا وطلع برا المنتدى

فهذا الشي ممكن تعاني منه الفتيات .. لكن مو على كل حال الكلام هذا صحيح

الجواب مازال مفتوح لشخص واحد والا نزلت سؤال

[ريــــــــ الريااااض ـــم]

السلاااااام عليكــــمــــ ,,
تسمحولي أضيف رأي ويااااااااااااكم ..
أولا .. من ناحيته سوووواقه المراه الحمدالله أنا ماأيدى الشي هذاااا لأن البنت فيه الخجووووله والنعوووومه .. وبكل صراحه أنا اذا شفت رجل ينظرني أخاااااااف خوووف مو طبيعي كيف ومابالك اذا بالشااااااااارع أسوووق السيااااااااااره ..
ثانيااا : الأسلاااام معزز المراه وحااافظ كرامتهاااا وأفتخر بالدين اللي أنا فيه .. شوف حاااال البنااات بر قيمته مو مثل قيمته المراه العربي .. واعتقد أخووووي ماراح يقصر معي ..
سلااااااااااااااامي ..

[احساس]

سعيده بتواجدك اختي ريم الرياض

واشكرك على اضافة التعليق

وتعليقاً على كلام الاخ ((شبيه الريح))

سؤال ماسألته الا من واقع نعيشه يمكن فيه شباب موب من هالنوع لكن مستحيل
ننكر وجودهم بالمجتمع لانهم شريحه منه

وشكراً

احساس

[alb7r]

سؤالي .. للشباب ..
رتب الاشياء هذي حسب اهميتها عندك ..
الزوجة \ الشغل \ الشباب

1.العمل
2.الزوجه
3.الشباب
واللي بيتشره بكيفه لانها قناعات واولويات
بالنسبه لسواقه النساء ليش لا بس بضوابط

[مزيونة حرب]

مشكورررررره احساس موضوعك رائع بكل ماتحمله الكلمه من معنى .............


حابه اشارككم ............

اولا بقولكم رائي بقياده المراه للسياره .............. انا طبعا ودي يسمحون لنا بالسواقه بس عشان نقهر الشباب <<<< الي يشوفني يقول احد بيخليني اسوق
......... لكن لوكان بكيفي ودي اشتري سياره كامري 2007 واركب فيها انوار زينون ومضللتها كلها بس بخلي فتحه لعيوني عشان محد يشوفني وافحط فيها<<<<<<< ايه ايه كثري منها وربي غير يعلقني اخوي فيها ويفحط فيني عشان اتوب ..........


وثانيا بالنسبه لموضوع ان الشباب يفكرون بعقولهم قبل قلوبهم فهذا شي جدا طبيعي مذكور بكل مكان وزمان اما البنات وش الي مودينا وراء غير انا نفكر بقلوبنا ونصدق اي كلمه واي احد ...............


وعندي سؤال مرره محيرني ..........
^
^
^
^
^
^
^
^
^
^ ليش الولد الي يكلم بنات اذا عرف ان اخته تكلم او حتى ان في ولد يتحرش فيها او مجرد غلطان بجوالها يقوم الدنيا ويقعدها وينقلب لوحش مو ادمي ولا كأنه هو يكلم بنات وفالها مع نفسه يعني حلال عليه وعلى بنات الناس وحرام على خواته ......



جاوبوني يالشباب بكل صراحه لان هذي الظاهره بنسبه 95% من الشباب .........

[روووعه الاحساس]

والله انك صدقتي مزيونه صح لسانك

والله قـــــــــهر

تفكيريهم غريب مفروض يعطل نفسه هو اول بعدين يجي يتحكم فينا
انا عاااااااارفه رد الشباب بيقولون البنت غير ...

وراح اقولهم صح غير بس الشرف مو بس للبنت حتي الولد له سمعته ...

ومشكووووووووورة حبيبتي مزيونه ...

وننتظر رد الشباب

[Del 10 Piero]

السلام عليكم ورحمة الله وبركاته

أشكرك جزيل الشكر أختي العزيزة احساس على هذا الحوار الرائع
وبكل صراحة يضاف إلى إبداعاتك

أنا وبكل صراحه أود أن أجيب على كل الأسئلة سواء كانت موجه للشباب فأود الرد عليها والأسئلة الموجه للبنات أود التتعليق عليها ولكن الوقت لم يسعفني حتى الآن ولكن وعد بأن أبدي رأيي الخاص ووجهة نظري ..

بما أنها المشاركه الأولى بالموضوع فسأجيب على السؤال الاول
طبعا بعد أذنكم


الاخت أحساس
يعيب الرجل على الفتاة اعتمادها على الخادمة
بينما نجد ثلاثة أرباع النساء لدينا مع سائقين أجنبيين ..
بالرغم من ان هؤولاء الشباب يقودون سيارات ^_^
فلماذا لا يلتزمون هم بهذه المسؤولية بدلا من السائق
الاجنبي ؟؟؟

أولا ً هذا من واجبات الشاب في حق أهله
لكن في بعض الأحيان تكون الأمور على عكس مايريد يعني يبي يطلع يستانس مع أهله فإذا الوضع ينقلب إلا نكــــــــــــــد والسبب أنتو تعرفوه زين كثرة الطلبات اللي أي شاب حتى لو كان حليييييم إلى أبعد الحدود لازم يفوووور ...
بس أنا االحين ماحب أطللع أهلي الا اذا نامو الصغار لأنهم دبل وجع راااس ،،

فخليها على روح هنا وروح هناك أهون من صياح البزارين .. ولا بصراحة مافيه أحلى منها تطلع مع أهلك لمطعم او كوفي او أي مكان حلو وهادي
لأني أنا كبريت والله لو انه اللي يصيح عمره شهر ودي أكفخه بس كله عشان الهدووووء يعني لو يحطون بأذني قطنه ولا أسمعهم والله الف السعودية فيهم ماعندي مانع ..
وبسـ

أحـسـ أني أغثيتكم ولكن المشاركاة الجايه أحلى أنشاء الله ..

باقي موضوع سواقة المرأه &وإذا اردت البكاء وباقي الاسئلة بعد




أعذروني

أخوكم ديلبو